Ini Surat Terbuka Untuk Bupati Lebak di Posting Oleh Akun Facebook Arban Ramijud Raray

705 views

LEBAK, BANTENDAY.com- Akun Facebook yang Mengatasnamakan Arban Ramijud  Raray membuat surat terbuka ditujukan untuk bupati Lebak Iti Oktavia Jayabaya ini surat Lengkapnya:

 

 

SURAT KANGGO BUPATI LEBAK

Kahatur ka Ibu BUPATI LEBAK Yth.
di mana wae ayana.

 

Asalamualaikum Ibu Bupati. Mugi Ibu salawasna aya dina kaayaan sehat walafiat.
Bu, punten nyah, wayahna eta jalan ka lembur kami diendahan. Welasan tahun eta jalan tacan pernah keingali merenah, komo karasa mirasa diliwatan mah. Sabab abdi tos 16 tahun raraliwat ka jalan eta, utamina pas mudik Boboran Syiam.

Langkung ti 10 rebu kepala keluarga nu linggih di dinya teh, Bu, muley ti tungtung falih dieu di Desa Situregen dugi ka falih tonggohnyah–ka ditu ka luhuuur–yg melintasi dua desa, di antawisnyah Desa Sukajadi sareng Desa Hegarnanah.

Secara pribados abdi teu afal, afakah Camat Panggarangan parantos nyarios ka Bupati atow teu acan bab jalan nu lumayan padet lalulintas eta–mulai ti motor, mbl leutik, treuk, kebo, embe, nepi mbl nu ngangkutan kebo jeung pare. Sumbaaaat …

Bilih, boa-boa mah Camat teu apal-apal acan aya jalan ambrak-angkay manuju ka arah lembur nu sakitu padedetna manusa. Laaah ari ka Jaro mah kami teu pati ngandelkeun, ja nu aya sok ngeluh bae: sagala kurang, sagala euweuh, sagala rippuh. Atu sugan burung surat abdi iyeu ngawakilan sawara warga.

Margi kieu, Bu, pada urangna bae iyeu mah, warga di tilu desa eta utamina, meh teu percanteneun mun jalan nu lebetna ti Pasar Cisiih dugi ka ditu ka Babakan Girang teras deui ka tonggohna ka Sogong, eta teh gaduh pamarentah. Disangkana jalan anu ruksak bin ramizud eta hasil tina sumbangan swadaya masyarakat. Margina, saur warga, “Mun jalan eta boga pamarentah mah pasti geus ti baheula-baheuli dihadean, ja aya manusa nu hirup di sapanjang jalan etta,” ceuk Ka Supi, sobat abdi papada sok di sawah.

Duuuh Bu, hapunten pisan nyah abdi sanes bade jorang ka Sakadang Nu Meunggeugeuh. Sing maklum wae Bu, da memang kittu kaayaanana. Tah, ayeuna wargi ngantos pisan kadongkapan Ibu ka jalur etta, sakantenan marios pangwangunan jambatan nu dipupuhuan ku Jaro Hegarmanah, Hafid, nu ngahubungkeun Babakan Girang sareng palih sabrangna, nu nangti ka tungtungna blos di jalan ageung teu tebih ti pom bengsin Haji Jejen–ja katelahna kittu.

 

Hatur nuhun nyah, Bu. Insa Allah abdi milih Ibu. Diantossss ….

Abdi,
ARBAN bin MADROPI

Like
Like Love Haha Wow Sad Angry
Author: 
author

Isi dengan Komentar anda...